Actualitats
Lo MAK vòl quichar sus l’accelerador vèrs la sobeiranetat de Cabilia
La “mission” del partit, segon Ferhat Mehenni, “es de dotar Cabilia de totes los atributs de sobeiranetat d’una nacion”
Lo Movement per l’Autodeterminacion de Cabilia (MAK) vòl accelerar lo camin vèrs la sobeiranetat e a decidit d’aprigondir son estrategia unilaterala per crear d’estructuras qu’anóncien l’establiment d’un estat cabil, sens l’acòrdi del govèrn argerian. Après la creacion del Govèrn Provisòri en Exili, o Anavad, en 2010, lo MAK vòl ara instituir un Parlament sul terren, una Liga Cabila dels Dreches Umans e quitament una esquipa nacionala de fotbòl. “Pauc a cha pauc establissèm un estat cabil”, çò diguèt lo cap de l’Anavad, Ferhat Mehenni, sus aquela estrategia.
Dins una entrevista per Matin DZ, Mehenni ditz que la “mission” del MAK e de l’Anavad es “de dotar Cabilia de totes los atributs de sobeiranetat d’una nacion. Lo ponch culminant d’aquò serà la proclamacion de l’independéncia de Cabilia”. Après la creacion de l’Anavad, Mehenni declara que lo movement deuriá establir un “Conselh Consultatiu, una sòrta de Parlament”, qu’atenga “un consens tan grand coma serà possible sul drech a l’autodeterminacion” e que “prepause un projècte de Constitucion”.
Lo MAK ditz que sa tòca finala es d’arribar a la celebracion d’un referendum d’autodeterminacion, amb de garentias internacionalas, per crear un estat pròpri separat de l’argerian. Dins lo sieu tresen congrès, qu’aguèt luòc lo 26 de febrièr, lo partit insistiguèt sus doas idèas ja aprovadas abans pel partit: lo besonh de crear un estat cabil d’i arribar a travèrs d’un referendum d’autodeterminacion.
Dins lo document que resumís los debats del congrès, lo MAK remarquèt tanben sa volontat de “reabilitar e de modernizar las estructuras democraticas ancestralas de Cabilia”, coma es lo cas dels conselhs tribals tradicionals, o aarchs. En tot cas, lo partit sobeiranista ditz qu’en aquel procès “cal rendre tota sa plaça a la femna cabila, egala en dreches e devers, al meteis nivèl que l’òme cabil”.
Totun, los documents del MAK establisson pas quals seràn los procediments concrets per reüssir a metre en marcha aquel referendum ni mai quals seràn los aliats del partit per los aténher. Sul plan internacional, l’autodeterminacion de Cabilia a agut lo sosten de l’Aliança Liura Europèa (ALE) e tanben de Marròc, lo grand rival regional d’Argèria, que se servís de l’afar cabil coma moneda d’escambi al sosten argerian del drech d’autodeterminacion del Sahara Occidental.
Cabilia es un territòri litoral de majoritat berbèra, situat a l’èst de la capitala argeriana, Argièr.
Aquesta nòva es adaptada de Nationalia amb qui Jornalet a un acòrdi de cooperacion
Dins una entrevista per Matin DZ, Mehenni ditz que la “mission” del MAK e de l’Anavad es “de dotar Cabilia de totes los atributs de sobeiranetat d’una nacion. Lo ponch culminant d’aquò serà la proclamacion de l’independéncia de Cabilia”. Après la creacion de l’Anavad, Mehenni declara que lo movement deuriá establir un “Conselh Consultatiu, una sòrta de Parlament”, qu’atenga “un consens tan grand coma serà possible sul drech a l’autodeterminacion” e que “prepause un projècte de Constitucion”.
Lo MAK ditz que sa tòca finala es d’arribar a la celebracion d’un referendum d’autodeterminacion, amb de garentias internacionalas, per crear un estat pròpri separat de l’argerian. Dins lo sieu tresen congrès, qu’aguèt luòc lo 26 de febrièr, lo partit insistiguèt sus doas idèas ja aprovadas abans pel partit: lo besonh de crear un estat cabil d’i arribar a travèrs d’un referendum d’autodeterminacion.
Dins lo document que resumís los debats del congrès, lo MAK remarquèt tanben sa volontat de “reabilitar e de modernizar las estructuras democraticas ancestralas de Cabilia”, coma es lo cas dels conselhs tribals tradicionals, o aarchs. En tot cas, lo partit sobeiranista ditz qu’en aquel procès “cal rendre tota sa plaça a la femna cabila, egala en dreches e devers, al meteis nivèl que l’òme cabil”.
Totun, los documents del MAK establisson pas quals seràn los procediments concrets per reüssir a metre en marcha aquel referendum ni mai quals seràn los aliats del partit per los aténher. Sul plan internacional, l’autodeterminacion de Cabilia a agut lo sosten de l’Aliança Liura Europèa (ALE) e tanben de Marròc, lo grand rival regional d’Argèria, que se servís de l’afar cabil coma moneda d’escambi al sosten argerian del drech d’autodeterminacion del Sahara Occidental.
Cabilia es un territòri litoral de majoritat berbèra, situat a l’èst de la capitala argeriana, Argièr.
Aquesta nòva es adaptada de Nationalia amb qui Jornalet a un acòrdi de cooperacion
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Bé, bé, cuand mès serem mès riurem diu la dita, Corcega, Catalunya, Esukadi, Escocia, ara la Cabilia, i per descomtat Occitània,la cursa per lallibertat no s'acava, tot just acava de començar, us imagineu un Món on totes les nacions fossin lliures?
Maco!
Mentres Visca la Terra lliure! Totes !
"El tàrrega".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari